Sigrún Ben

Ég hef...

2006-05-21T22:39:00.000Z

...flutt mig um set!

Héðan í frá mun ég blogga á öðru kerfi "bloggar.is" og er vefslóðin á nýju síðuna:

http://sigrunben.bloggar.is

Vonandi hafið þið áhuga á því að færa ykkur yfir á nýja kerfið með mér og skrifa athugasemdir við nýjar færslur sem þið hafið samviskusamlega lesið!

Lítinn ís í brauði...

2006-05-10T22:03:00.000Z

...með dýfu og hrís, takk!

Þegar ég var yngri var mun minna maus að fá sér ís, valmöguleikarir voru heldur ekki ýkja margir enda var pöntunin alltaf sú sama

"Lítinn ís í brauði með dýfu og hrís, takk!"

Ég skrapp í ísbúð um daginn þegar ég var fyrir sunnan.
Þegar afgreiðslustúlkan kom og spurði áhugalaus (með eindæmum) hvort hún gæti aðstoðað mig þá sagði ég einmitt
"Já, ég ætla að fá einn lítinn ís í brauði með dýfu og hrís, takk!"
Afgreiðslustúlkan horfði í gegnum mig um stund og sagði svo fremur áhugalaus: "Vöfflu eða venjulegt?" Ég horfði fast á hana til baka, hugsaði mig um í smá stund og ákvað svo að vera djörf og svaraði "Vöfflu? Takk?".
Stúlkan náði í vöfflubrauðið og horfði út um gluggan þegar hún spurði mig hvernig ís ég vildi.
Ég ákvað að spurja hana hverig ís hún ætti. Hún stundi þungan, dró andann djúpt og ældi útúr sér á ógnarhraða "Venjuleganbrúnanbleikanbananamokkaogsvoblandaðanhvítannogbleikannog hvítannogbrúnannogsvolíkablandaðanbananaogsúkkulaði..."
Ég horfði á stúlkuna, algjörlega tóm í hausnum þar sem mig óraði ekki að til væru svo margar ístegundir og sagði loks "Venjulegann? Er það þá bara hvítur ís?".
Ég fékk ekkert svar frá stúlkunni sem stóð fyrir framan mig með vöffluformið í hendinni þar sem hún var of upptekin af því að ranghvolfa augunum og benda þar með öllum í ísbúðinni á að ég væri klárlega ekki með öllum mjalla.
Þá sagði ég hátt og skýrt: "Já, venjulegann, takk fyrir!"
Stúlkan flýtti sér í átt að ísvélinni sem var full af "venjulegum" ís og sprautaði ísnum snilldarlega í vöfflubrauðið mitt. Svo gekk hún til baka til mín og spurði mig hvernig dýfu ég vildi.
Ég vildi ekki spurja hana hvernig dýfur hún ætti, af ótta við að ég fengi jafn óskyljanlega romsu varðandi þær eins og ég fékk varðandi ístegundirnar. Þess í stað ákvað ég að lesa sjálf hvernig dýfur hún ætti handa mér á venjulega ísinn minn í vöfflubrauðinu. Á litlum miðum við dýfuskálarnar í afgreiðsluborðinu stóð "súkkulaði", "lúxus", "Lakkrís", "jarðaberja", "hnetu", "karamellu" og ég man ekki hvað meira.
Ég varð ráðvilltari en ég hafði verið í langan tíma og sagði svo ósköp varlega við afgreiðslustúlkuna sem á þessum tímapunkti var orðin gífurlega pirruð á seinaganginum í mér við þetta annars svo einfalda verk sem það er að panta ís: "Venjulega...?".
Stúlkan varð reið á svipinn og spurði: "Áttu við bara svona brúna!?!" og benti í sömu andrá á fatið sem hafði að geyma venjulega súkkulaði ídýfu.
Ég svaraði játandi og um leið þrykkti afgreiðslustúlkan ísnum mínum ofaní venjulegu súkkulaðidýfuna. Þegar hún hafði kippt honum uppúr spurði hún á innsoginu: "Hvaðvildirutaná'ann?".
Nú vissi ég að ég þyrfti að vera skjót í viðbrögðum og svarað um leið "Hrís!".
Mér til mikillar undrunar horfði stúlkan á mig með svip sem gaf það til kynna að hún vissi ekkert hvað ég var að meina.
Nú voru góð ráð dýr, einhvernvegin varð ég að koma henni í skilning um hvað "Hrís" var, áður en dýfan þornaði utan á ísnum.
Ég potaði í fári í glerið sem umlukti allt það sem hægt var að fá utan á dýfuna sína og reyndi með því að benda á "hrís".
Hún skildi mig ekki, og tíminn var að renna út!
Þá rann það upp fyrir mér að hugsanlega kölluðu sunnlendingar þetta ekki "hrís", heldur eitthvað annað - hugsanlega nákvæmlega það sama "annað" og maður kallar "hrís" þegar "hrís" er morgunkorn en situr ekki í dalli í ísbúðarborði, sumsé RÆS KRISPÍS!
Ég kallaði "RÆS KRISPÍS!" hátt og snjallt svo allir í ísbúðinni heyrðu og afgreiðslustúlkan henti ísnum mínum í "hrísið" rétt í tæka tíð!
Svo rétti hún mér "venjulega ísinn minn í vöfflubrauðinu með brúnu súkkulaðidýfunni og ræs krispísinu" yfir afgreiðsluborðið og tók við borguninni!

Ég sá það á henni að hún var dauðfegin að losna við mig úr búðinni!

Núna undanfarið hef ég saknað gamalla tíma meira en áður! Ísferðin fékk mig allavega til að óska þess að einföldu tímarnir væru enn, þegar allir skildu setningar á borð við "Lítinn ís með dýfu og hrís!", þegar besta nammið var Mónu súkkulaðidropar í gulu pokunum, þegar 100 kall var í seðlum, þegar kjúklingur og franskar voru sparímatur, þegar aðal sjónvarpsþátturinn var "Tuskudúkkurnar", þegar Rokklingarnir áttu heiminn, þegar það var glæpur að setja of mikið kakómalt í mjólkina sína, þegar mér fannst síld góð og þegar einu áhyggjurnar í lífi mínu snérust um það hvort það væri eitthvað gott í drekkutíma - sem var klukkan stundvíslega 4!

---

Ég fer annars suður á morgun, kem svo heim á þriðjudagskvöldið eftir viku!

Ekki sakna mín of mikið meðan ég er í burtu, enda engin ástæða til þar sem þið getið þá alltaf hringt í mig!

Verkleg efnafræði...

2006-05-03T19:35:00.000Z

...skilur eftir bletti!

Sum efni sem notuð eru í efnafræðitilraunum í MA eiga klárlega ekki að komast í návígi við klór!

Ég var að sulla með sýrur, basa og óþekkt jónaefni í gær. Ég sullaði hugsanlega aðeins of mikið...á mig sjálfa! Fötin sluppu ótrúlega vel en hendurnar fóru eitthvað verr!
Það var í sjálfu sér ekkert athugavert við þær þegar ég kom úr tilrauninni ...þær voru óskaplega venjulegar Sigrúnarhendur; með (nöguðum) nöglum, (nöguðum) hnúum og örum vegna brunasára eftir heitt vatn úr uppþvottavélinnni á Bláu Könnunni forðum... enda var ég búin að þvo mér vel,líkt og á að gera eftir tilraunir!

Beint eftir tilraunina skrapp ég á æfingu - eins og minn er siður - og þá fór eitthvað að gerast! Hélt fyrst ég væri að verða svona svakalega "tönuð" á höndunum, svona svakalega og ægilega flekkótt "tönuð"... og þumallinn minn varð "tanaðari" og "tanaðari"... og nú er hann einstaklega fallega dökk-jarpur á litinn!
Þessi litur þykir mér fallegur á hestum, enda á ég sjálf fallega dökk-jarpa tvístirnda meri sem ber nafnið Stjarna og er jafn gömul mér upp á dag! Liturinn virðist þó ekki fara mér alveg jafn vel og merinni - heldur lít ég út fyrir að vinna á smurverkstæði og þykir mér það lítið kvenlegt!
Einnig lítur út fyrir að fingrafarið á dökk-jarpa þumlinum mínum hafi afmyndast fyrir lífstíð og dreg ég þá ályktun að ég hafi verið að vinna með ætandi sýru (18 M Brennisteinssýra?) !

GOTT ÉG!

-----------------

Annars hvarf ég á vit endurminninganna í dag, með dökk-jarpa þumlinum mínum, og horfði á myndband síðan á CIJ-Lux mótinu 2003, skoðaði myndir frá EMU 2003 og EM-25 2003... og fann þessa frábæru mynd síðan 2002 af mér og Árna Má þegar við vorum valin efnilegust á IMÍ í Eyjum!

Ó, hvað mig langar á IMÍ í Eyjum!

Fór til Frankfurt...

2006-05-01T16:48:00.000Z

...og kom svo heim aftur!

Og myndi það hugsanlega útskýra bloggleysi síðan um páska!

Já, ég skellti mér til Þýskalands (uppáhaldslandsinsmínsíheiminum) með Þorgerði systur yfir helgina og var þetta alveg hreint hin ágætasta og skemmtilegasta ferð ferð þrátt fyrir að ég hafi orðið fyrir fólskulegri líkamsárás í miðbæ borgarinnar (DÚFA!), orðið fyrir gífurlegum vonbrygðum með héraðssælgætið Magen-Brot - sem smakkaðist eins og gömul, þurr lagkaka með engu kremi (ég á enn um 200 grömm af því ef einhver vill smakka!), fékk stórkoslegt hælsæri á báða fætur eftir búðarráp okkar systra og endaði ferðina á ælupesti!

Ég mun eflaust hljóta Nóbelinn fyrir "Skemmtilegasti ferðafélaginn" fyrir þessa ferð!

Nú er prófkvíðinn að ná tökum á mér eins og venjulega þegar allir framhaldsskólar landsins nema MA eru í prófum og fólkið í kringum mann mikið að læra og stressa sig - en þetta líður hjá og ég verð orðin hin spakasta þegar ég sjálf þarf að fara að þreyta prófin!
Próftaflan mín er alveg ógurlega undarleg - þar sem ég þarf að bíða í hvorki meira né minna en 5 daga eftir seinasta prófinu mínu og verð því ekki búin fyrr en 8. júní þegar það næst síðasta er 2.júní (Hvenar er Ýdalaball og hverjir spila?)
Annars er aðal stressið hugsanlega bara fyrir fyrsta prófið mitt, þann 26. þessa mánaðar - en það er hinn undursamlegi áfangi EÐL 203... Ég veit ekki alveg hvaða eðlisfræðimeinloku ég er í - en ég skil hvorki upp né niður í þessum blessaða áfanga!

Mér datt í hug að setja auglýsingu í Dagskrána svo hljóðandi:

Myndarlegur karlmaður á aldrinum 18-24 ára

óskast til að kenna 19 ára stúlku Eðlisfræði 203

fyrir próftíð í Menntaskólanum á Akureyri.

Æskilegt er að viðkomandi hafi lokið áfanganum

með einkun á bilinu 7-10 og sé á lausu.

Veit það fyrir víst að þessi auglýsing myndi vekja mikla athygli (hugsanlega þó mögulega ekki alveg þá athygli sem ég myndi mest vilja) en áhugasamir -sem uppfylla ofantalin skilyrði- meiga endilega hafa samband!

Sumarið er komið og herbergið mitt er hreint, fínt og ylmar af vorregni!

----------------

Ég enda þetta hér á æðislegri ljósmynd af mér að fá far hjá LinduRún

- altsvo áður en hún fékk æfingaleyfið á bílinn! Haldiði að við höfum ekki reddað okkur vel!

Og vá hvað ég sakna skóna sem ég er í á þessari mynd, takk starfsfólk Sundlaugar Laugardals fyrir að henda/stela þeim!

Kökur...

2006-04-17T21:26:00.000Z

...og kynbótamat!

Ég hef afskaplega mikinn áhuga á kjöti, bæði dýra og manna! Ég sleppi því þó að borða bæði hrossa og mannakjöt, en nýt þess að dæma vel byggða skrokka beggja dýrategundanna.
Eins og áður hefur komið fram hef ég afskaplega gaman af vel byggðum hestaskrokkum á borð við skrokk þann sem Gári frá Auðsholtshjálegu hefur að státa sig af og hlakka mikið til sýningar ræktunarbúa sem og úrslita kynbótamats á Landsmóti hestamanna í Skagafirði fyrstu helgina í júlí!

Páskahelgin nýafstaðin snérist að miklu leiti um kynbótamat! Að þessu sinni ekki á hrossum heldur vel mótuðum mannslíkömum, bæði karla og kvenna!
Ég naut þess til hins ýtrasta að dæma alla þá sem voru til sýnis uppi á sviði - hvort sem það var fyrir ósamræmi milli efri og neðri líkama, lítið skorinna magavöðva eða lítið þjálfaðara bakvöðva! Ég dáðist af fallegum sundfötum, flottum hárgreiðslum og vel mótuðum sílikonbrjóstum meðan ég hneikslaðist á lélegu lagavali karlmanna meðan á frjálsum "pósum" stóð!

Ég var í dómarasætinu, leið vel og hafði oftar en ekki rétt fyrir mér varðandi verðlaunasæti - svo mikið vit hef ég á "réttri byggingu" mannslíkamans!

Ég uppástóð það að til ætti að vera keppnisgrein undir nafninu "Natural Fitness", en þar væri bannað að nota nokkur fæðubótaefni í aðdraganda keppninnar, bannað væri að mæta á svæðið út ataður í (misjafnlega fallega litu) brúnkukremi og með sílikonbrjóst!
Ég tel sjálfa mig góðan kandídat í Íslandsmeistara í Natural Fitness eftir Páskadagskvöldið - en þá skellti ég mér í Sjallann (Sem fer að ganga undir nafninu "My Home away from Home!" bráðlega!) með flautusleikjó!

Ég týndi öllum í Sjallanum þetta kvöld. Ekki var það af sökum ölvunar frekar en fyrri daginn, heldur vegna undarlegrar áráttu fólks til að para sig saman á skemmtistöðum! (Ég var með öðrum orðum - allstaðar "Þriðja hjólið"...og engum líkar vel við það!)
Versta var þó að sundkonan ég, sem hef vöðvast ögn nú síðan um áramót, álpaðist til að fara í hlýrabol með sportbaki úr Zöru í Smáralindinni, og íþrottatopp innanundir á skemmtistað og leit þar af leiðandi út fyrir að geta barið alla á staðnum (nema Heiðrúnu fitness meistara auðvitað)!

Ekki heillandi það...

...ég var án efa þekkt undir nafninu "Staka-Edrú-Gellan sem getur barið alla" þetta skemmtilega páskadagskvöld!

(Biturt í mér hljóðið í dag?)

Hverjum treystir þú...

2006-04-03T12:26:00.000Z

...til að gefa þér upplýsingar um fisk og annað sjávarfang?
(Eru ekki allir ótraustverðir í þeim málum?)

Ég hef grun um að aðstandendur skoðanakannanna séu að ofsækja mig. Gallup er búið að hringja óeðlilega oft í mig undanfarin mánuð og fólk úr Háskóla Akureyrar ofsækir mig með endalausu spurningaflóði!
Ég er náttúrulega svo kurteis manneskja að ég get ekki sagt "nei", ef ég er beðin fallega um að gera eitthvað og viti menn, fólkið hjá Gallup er ótrúlega snjallt að byðja mann fallega um að taka þátt í ó-svo stuttri könnun!

Þessar kannanir eru því miður misjafnlega stuttar en í þeim öllum þarf ég að svara undarlegum spurningum um tekjur mínar síðastliðinn mánuðinn, tekjur heimilisins síðastliðinn mánuðinn, hjúskaparstöðu og minni uppáhalds spurningu sem hljóðar svo "Ef gengið væri til sveitarstjórnarkosninga í þínu sveitarfélagi í dag, hvaða flokk myndir þú kjósa?"!

Sem betur fer hef ég horft mikið á Gettu Betur í gegnum tíðina, og kann því viðeigandi svar við öllum þessum spurningum, og það er svarið "Pass"!
(Svaraði að vísu hjúskaparstöðunni um daginn með orðinu "Ekkja"...það gæti hafa skekkt einhverjar niðurstöður, en skítt með það - það virtist eina lausnin á þeim tímapunkti!)

"Pass" er afskaplega gott svar ef maður veit ekki hvað maður á að segja - eða gleymdi að fylgjast með spurningunni. Mörgum þykir afar hnyttið ef maður svarar með "Pass"-i, og gera þá mikið grín með því að segja "Nohh, þú ættir bara að skella þér í Gettu Betur á næsta ári!"...

Mér finnst alveghreint afskaplega undarlegt að fólk skuli segja þetta, þar sem ástæðan fyrir því að maður fengi að vera meðlimur Gettu Betur liðs framhaldskólans síns er einmitt sá að maður veit hluti svo að maður þurfi ekki að segja "Pass" í hraðaspurningum!
(Eða "Nei, við erum ekki með þetta!" í öðrum spurningaliðum!)

Í dag óska ég til guðs að hið undursamlega Gettu Betur lið Menntaskólans á Akureyri segi hvorki "Pass" né "Nei, við erum ekki með þetta" á næstkomandi fimmtudag!

(Og taki þar með Verzló í neeheheeefið og vinni Hljóðnemann eftirsótta!)

Hugsanlega ætti Gallup að hringja í "Strákana okkar" til að eyða "Pass"-kvótanum þeirra fyrir keppnina miklu! Minn fer allavega að verða búinn!

Hasta la Victoria - MA

P.S: Ég tók próf um hversu strákaleg/stelpuleg ég er og hér eru úrslitin, takk fyrir pent!

You Are 70% Boyish and 30% Girlish

You are pretty evenly split down the middle - a total eunuch.
Okay, kidding about the eunuch part. But you do get along with both sexes.
You reject traditional gender roles. However, you don't actively fight them.
You're just you. You don't try to be what people expect you to be.

How Boyish or Girlish Are You?

Nokkrir punktar...

2006-03-29T21:15:00.000Z

...til að þið hafið allt á hreinu!

Ég er með nuddsár, ekki sogbletti! (Þó það væri kannski skemmtilegt!)
Ég er með viðvarandi sundgleraugnafar, ekki bauga!
Ég er með bikinífar, ekki brókafar eftir ljósaferð!
Ég er með sundbolafar, ekki psoriasis!
Ég er með klórblautt hár, ekki skítugt hár!
Ég er með ógreitt hár, ekki umbeðna dread-locks!

Mér finnst yndislegt að vera sundmaður...

Ég ætla að tileinka þetta ó-svo innihaldsríka blogg bekkjabróður mínum honum Sæþóri - sem án efa er "Too cool for School!"

Til lykke Sæþór með að fá að vera áfram, og detta niður af svölum!

Gettu betur á morgun - Áfram MA!

Á mig hafa dunið...

2006-03-24T18:57:00.000Z

...ásakanir um að síðasta blogg hafi verið bæði leiðinlegt og langt!

Ég ábyrgist það að enginn þeirra sem hefur ásakað mig um þennan alvarlega glæp hefur ekki lesið allt bloggið! Ég hvet ykkur til að gera það, og endurskoða síðan afstöðu ykkar!

Nýti hér með tækifærið til að ítreka skyldumætingu á Pál Óskar á laugardagskvöldið, og auglýsa það að grænmeti og ídýfa fellur að öllum líkindum niður í þetta skiptið vegna annarra partýhalda hjá öðru fólki og Stjörnutölts í Skautahöllinni þar sem þessi hestur (Gári frá Auðsholtshjálegu - sem ég myndi vilja ef ég væri meri) mun að öllum líkindum keppa:

(The definition of "Sexy Beast")

Vil ennfremur benda ykkur á nýja, glæsilega heimasíðu hjá (án efa) mestu gellum þessa lands : NMU-gellurnar!

Loksins...

2006-03-21T17:13:00.000Z

...fann ég eitthvað áhugavert á netinu til að setja inn á bloggið!

Það er að segja ef þið hafið áhuga á að vita eitthvað meira um mig, en það er nú auðvitað bara sjálfgefið!

En, hef ég...
( ) klesst bíl vinar/vinkonu (Ég er nú afskaplega lítið í því að keyra annarramanna bíla)
( ) stolið bíl foreldranna (Nei, maður segir "Má ég fá bílinn í láni")
(X) verið ástfangin (Því miður...fór alls ekki vel útúr því!)
(?) verið sagt upp af kærasta/kærustu (Jahh...það var nú eiglega öllu verra en það)
( ) verið rekin (Ég er afskaplega duglegur og áreiðanlegur starfsmaður!)
( ) lent í slagsmálum (Ég er góð stelpa!)
( ) læðst út meðan þú bjóst ennþá heima hjá foreldrunum (Ég er góð stelpa!)
(X) haft tilfinningar til einhvers sem endurgalt þær ekki (Já, guð minn almáttugur hver hefur ekki lent í því! Stundum á ég afskaplega erfitt með að skilja karlpeninginn sem ég hef hrifist af í gegnum tíðina - ég meina, hver vill mig ekki? Ahh...gott að vera egó!)
( ) verið handtekin/n (Ekki ennþá, sjáum til hvað gerist í útskriftarferð!)
( ) farið á blint stefnumót (Why would you?)
(?) logið að vini/vinkonu (Meira kannski svona...ekki sagt allan sannleikann!)
(X) skrópað í skólanum (Hver hefur ekki gert það?)
( ) horft á einhvern deyja (NEITAKK)
(X) farið til Canada (Jahh, maður bjó nú þarna þegar maður var lítill!)
( ) farið til Mexico (Ég er ekki jafn heppin og Sandra)
(X) ferðast í flugvél (Who hasn´t?)
( ) kveikt í þér viljandi (...það var óviljandi!)
(X) borðað sushi (Sushi er ekki minn tebolli... gefið mér frekar sashimi!)
( ) farið á sjóskíði (...get ég kannski gert það á Sunny Beach í Búlgaríu?)
(X) farið á skíði (Á góðar minningar úr Hlíðarfjalli með grunnskólafélögunum!)
( ) hitt einhvern sem þú kynntist á internetinu (Ég hef sett það að markmiði að forðast barnaperra!)
(X) farið á tónleika (Meiraðsegja spilað á þannig sjálf, svona í "denn" þegar maður var í tónlistarskóla!)
(X) tekið verkjalyf (Og þökk sér þeim þá er ég með ónýtt utanvert hægra læri og kem því ekki nálægt svoleiðis andskota aftur!)
(X) elskar einhvern eða saknar einhvers akkurat núna (Ég elska margar manneskjur og hundinn minn líka - en þessa stundina sakna ég nú frekar mikið Stóru Systur og Söndru og ...já...tíhí)
(X) legið á bakinu úti og horft á skýin (Afar holl tómstundaryðja!)
(X) búið til snjóengil (Sjibbíííí! - samt frekar kalt stundum!)
(X) haldið kaffiboð (Kaffiboð...grænmeti og ídýfa...allt sama tóbakið!)
( ) flogið flugdreka (Hef bara ekki átt neinn almennilegan flugdreka á mínum bráðlega 19 árum!)
(X) byggt sandkastala (Ekki góð í því þó!)
(X) hoppað í pollum (Eitt það skemmtilegasta í heimi!)
(X) farið í "tískuleik" (Jájá..! Meistari í því!)
( ) hoppað í laufblaðahrúgu (Ég er mótfallin öllum laufblöðum sem fallið hafa af tjám..! - I have my reasons!)
(X) rennt þér á sleða (Búðarbrekkan stóð svo sannarlega fyrir sínu!)
(?) svindlað í leik (Ég reyndi einusinni að svindla í laumu, með því að lauma inn auka spili... það fór ekki vel!)
(X) verið einmana (Það er stundum svo einmannalegt að vera einn!)
(X) sofnað í vinnunni/skólanum (ÍSL 303!)
(?) notað falsað skilríki (Ekki falsað skilríki...hét bara einhverntíman "Sandra Dögg Guðmundsdóttir" þegar ég fór á Sálarball!)
(X) horft á sólarlagið (B-E-A-utifull!)
(X) fundið jarðskjálfta (Stemmari!)
( ) sofið undir berum himni (Markmið sumarsins!)
(X) verið kitlaður (Tíhíhí! Endalaust gaman að kitla annað fólk líka!)
(X) verið rændur (Lansliðsgallabuxur, Aquablade sundbolur, ógeðslegaflotturbleikurspeedobolur, sundbolur, kærasti, mannorð... o.s.frv!)
(X) verið misskilin (Ég er afar misskilin persóna!)
( ) klappað hreindýri/geit/kengúru (?!)
(X) farið yfir á rauðu ljósi/virt stöðvunaskyldu að vettugi (Hvað get ég sagt... Stundum er maður bara alveg út að aka þegar maður er úti að aka!)
( ) verið rekin eða vísað úr skóla (Enn og aftur... Ég er góð stelpa, sem hefur að vísu gengið út úr tíma...en!)
(X) lent í bílslysi (Já, og síðan þá hef ég verið sjúklega bílhrædd!)
(X) verið með spangir/góm (Það er ógeðslegt að vera með svoleiðis ulla!)
(X) liðið eins og þú passaðir ekki inn í/þriðja hjól undir vagni (Alltof oft!)
(X) borðað líter af ís á einu kvöldi (Já!)
(X) fengið deja vu (Hata Deja Vu!)
( ) dansað í tunglskininu
(X) fundist þú líta vel út (Svona venjulega... ahh, egó!)
(?) verið vitni að glæp (Er það ekki í raun og veru glæpur þegar verið er að selja unglingum undir 20 áfengi, eða þegar busar fara í Sjallann...)
( ) efast um að hjartað segði þér rétt til (Þegar hjartað segir manni eitthvað, þá er það venjulega rétt!)
( ) verið gagntekin af post-it miðum (Nei...ég hef andúð á þeim síðan í próftíð þegar Stefán Grétar ákvað að vera með heilt haf af þeim í kringum mig!)
(X) leikið þér berfætt í drullunni (Nammi namm!)
(X) verið týnd (Vond tilfinning!)
(X) synt í sjónum (Sjór er ógeð...óóóógeð!)
(X) fundist þú vera að deyja (Þegar lærvöðvinn sprakk og þegar hjartað brotnaði!)
(X) grátið þig í svefn (Eins karlmannlegt og það er!)
(X) farið í löggu og bófa leik (Grunnskólinn var ekki alveg tilgangslaus!)
( ) litað nýlega með vaxlitum (Ekki vaxlitum... er meira fyrir túss- og tréliti!)
( ) sungið í karaókí (Kem helst ekki nálægt karaókí, né SingStar - þó ég hafi tekið eitt lag um daginn í bústað með NMU-stelpunum!)
(?) borgað fyrir máltíð eingöngu með smápeningum (Ef bland í poka telst sem máltíð?)
(X) gert eitthvað sem þú lofaðir sjálfri þér að gera ekki (Aldrei að segja aldrei!)
(X) hringt símahrekk (Langt síðan maður hefur gert það!)
(X) hlegið þannig að gosið frussaðist út um nefið á þér (Barnaafmæli!)
(X) stungið út tungunni til að ná snjókorni (Það er skemmtilegast að gera það þegar maður er að synda sig niður!)
(X) dansað í rigningunni (Bara í útlöndum!)
( ) skrifað bréf til jólasveinsins (Það eru 13 jólasveinar... ekki bara 1!)
( ) verið kysstur undir mistilteini (...þarf ekki mistiltein...)
( ) horft á sólarupprásina með einhverjum sem þér þykir vænt um (Gott plan!)
(X) blásið sápukúlur (Lifi fyrir sápukúlur... langar að blása sápukúlur núna... langa blogg!)
( ) kveikt bál á ströndinni (Bara í sveitinni!)
( ) komið óboðin í partý (Grænmetið og ídýfan er hjá mér!)
( ) verið beðin um að yfirgefa partýið sem þú komst óboðin í (Grænmetið og ídýfan er hjá mér!)
(X) farið á rúlluskauta/línuskauta (Hef stundað línuskauta síðan ég var 5 ára!)
( ) hefur einhver óska þinna ræst (Allt í bígerð!)
( ) farið í fallhlífastökk (Mun gera það þegar ég verð 86 ára!)

Þetta var nú lengi gert... ég er að hugsa um að fara að blása sápukúlur, eða leggja mig... kannski ég horfi á Anchorman, eða bara Neibörs....eða...

Vil minna alla á að Páll Óskar
(tilvonandieginmaðurminnefhannhættiraðverahommi)
er að spila í Sjallanum á laugardagskvöldið og þá er að sjálfsögðu skyldumæting!
(Hver veit nema það verði grænmeti og ídýfa á undan!)

Ég er...

2006-03-20T21:27:00.000Z

...með bloggstíflu!

Undarlegt hvað það virðist hrjá mann þegar maður er mikið í sundlauginni, held að klórinn hljóti að sía allar frumlegar hugsanir úr heilanum á manni og skilja einungis þær rökréttu og gáfulegu eftir! (Já Sigrún, pottþétt!)

Ég ákvað að setja inn eina fallega ljósmynd af bestu vinkonum í heimi (Kristín Sólnes, Ég og Þóra Kristín) og tel nú nauðsynlegt að ég fari að hugsa á ný - svona þar sem Íslandsmeistaramótinu í 50m laug er aflokið!

Annars eru hugsanir ekki alltaf af hinu góða...

Ég er hinsvegar búin að vera afskaplega dugleg undanfarið og hef sett upp mína egin myndasíðu - sem þú getur nálgast með því að smella hér! (Ef það virkar ekki, þá er slóðin http://sigrunben.myphotoalbum.com )Þarna hef ég hlaðið niður nokkrum vel völdum myndum og lofa hér með að Frakklandsmyndirnar frá því í sumar komi einhverntíman þarna inn - enda á ég þaðan fullt af myndum af sjálfri mér (og það er eitthvað sem allir hafa áhuga á að skoða)

Ég...

2006-02-27T21:40:00.000Z

...og nýji kærastinn!

Já, gott fólk og góðir gestir! Ástæðan fyrir óafsakanlegu bloggleysi nú undanfarið er sú að ég er loksins komin á fast aftur. Mikið hefur gengið á frá því að Fyrrverandi fann sig í bólinu með annarri á Þjóðhátíð - en nú tel ég mig hafa fundið mína einu sönnu ást!

Hann heitir Sund

Við Sund erum búin að þekkjast í fjölmörg (12) ár - vorum bestu vinir í gegnum grunnskólann, en svo slitnaði uppúr sambandinu fyrir þremur árum en nú höfum við fundið hvort annað og ég held ég hafi vart verið hamingjusamari!

Það er ótrúlegt hvað við náum vel saman og hvað mér líður vel þegar ég er með honum. Ég verð að vísu stundum pínu þreytt á honum - og get orðið pirruð við hann: en aðalega er ég hamingjusöm!
Ég hugsa um hann allan daginn og vil vera með honum öllum stundum!
(Við erum jafn óaðskyljanleg og Hulda og Gísli ;) )

Svona er þetta - ótrúlegt hvernig lífið getur komið manni á óvart stundum! Samband mitt við Sund hefur komið mér í gegnum mikla erfiðleika þessa undanfarna viku - eða allt frá því að seinasti þáttur Bráðavaktarinnar var sýndur á RÚV og ég missti vin minn John T. Carter (Sjá blog Örnu frænku)
Talandi um sjónvarpsefni - þá eigum við Sund afskaplega erfitt með að skylja hvers vegna svo margir skemma fyrir sér möguleikana á því að eiga unaðslegt kvöld með fjölskyldunni þar sem hún sameinast fyrir framan sjónvarpið og fylgist með dýrindis framhaldsþáttaröðum s.s: LOST (mánudagskvöld kl. 22.25 á RÚV), Bráðavaktinni heitinni, Desperite Housvifes (fimmtudagskvöld kl. 22.25 á RÚV) og bráðlega Kroniken, en ég held einmitt að fyrsti þátturinn sé á sunnudaginn næsta! Við Sund bíðum allavega spennt!
(Hugsanlegt að Grays anatomy bætist við bráðlega - held að við hjúin séum að falla fyrir þáttunum!)
Já, fólk er sífellt að skemma fyrir sér með því að hala niður heilu þáttaröðunum af internetinu og horfa á þær í einum rykk. Hver er þá tilgangurinn með Sjónvarpinu?

Ahh - við Sund skiljum þetta allavega ekki, og ætlum okkur ekki að gera það í bráð! Nú ætlum við einmitt að týja okkur niður í rúm til að horfa á LOST saman!

...ohh,ég er svo happý...

(Fegurðardrottning með Ragnhildi Gísladóttur er lagið mitt!)

Alle gæster må vaske sig grundigt...

2006-02-13T08:37:00.001Z

...uden badetoj inden de går i svömmebassinnet!

Eins og þið öll vitið stunda ég Sundlaug Akureyrar stíft - og er ég ekki ein um það. Á meðal annarra fastagesta sundlaugarinnar eru "Sýklakonurnar" svokölluðu. Sýklakonurnar eru tvær sparneytnar konur komnar yfir sjötugt sem eru afskaplega hrifnar af sápu, og þá sérstaklega ódýru sótthreinsandi almenningssápunni sem er í sturtuklefum sundlauga víðsvegar um landið.
Eins og allir vita, þá er afskaplega vond lykt af ódýrri sótthreinsandi almenningssápu og er það eflaust ástæðan fyrir því hversu ódýr sápan er og án efa ástæðan fyrir því að enginn vill nota sápuna áðuren hann fer ofaní laugina - nema Sýklakonurnar.

Sýklakonurnar nota sápuna á leiðinni ofaní og allra mest á leiðinni uppúr. Þá skrúbba þær sig hátt og lágt aftur og aftur og aftur og aftur og aftur og aftur og aftur og aftur og aftur og aftur og aftur... og aftur!
Þær skrúbba sig svo vel að húð þeirra lítur út fyrir að vera alveg slétt - þrátt fyrir umdeilanlega háan aldur. Aðrir gestir sundlaugarinnar sem fylgjast með atferli þeirra fá þá tilfinningu að Sýklakonurnar séu alltaf óhreinar, og hafa því óbeit á að koma nálægt þeim - þó svo þær séu hreinni en allt umhverfið!

Eftir þessar viðeigandi (að því að Sýklakonur halda) 45- 50 mínútur af endurtekinni sápun og skolun á leið uppúr tekur við þurrkun. Hún tekur öllu styttri tíma en sápunin, en er þó jafn vandlega framkvæmd.
Þegar Sýklakonurnar koma í þurrkklefann tæmist hann venjulega - enda eru allir hræddir við að koma nálægt Sýklakonunum.
Áðuren Sýklakonurnar þurrka sér, labba þær inn í klefa með sunddótið sitt og setja það í plastpoka. Þá bleyta þær allt sem er milli þurrkklefans og skápsins þeirra - öðrum sundlaugagestum og starfsmönnum sundlaugarinnar til mikils ama.
Sýklakonurnar þurrka sér með gömlum handklæðum með vondri lykt - og fara svo í hárþurrkurnar sem festar eru á veggi til þess að allar ystu húðfrumurnar og hárið (sem er undarlega óhreint miðaðvið endalausa sápun með ódýrri sótthreinsandi almenningssápu) þorni. Þegar því er lokið fara þær að bera á sig krem - og auðvitað er það Nivea barnarassakrem sem er með svo sterkri lykt að allur kvennaklefinn angar eins og kremið. Auðvitað er þetta nauðsynlegt, þar sem þetta krem er virkilega rakagefandi og virkar þá á móti þurrkunaráhrifum ódýru sótthreinsandi almenningssápunnar.
Sýklakonurnar eru alltaf í nælonsokkum við gömul föt - sem er eins lykt af og gömlu handklæðunum.

Mér er ekkert afskaplega vel við Sýklakonurnar, enda er maður alltaf með fordóma gagnvart því sem maður þekkir ekki. Hugsanlega getur einnig ástæðan fyrir því að mér líkar ekki við þær verið sú að þær eru mjög gjarnar á að benda manni á það hvar sýkla er að finna - og skipta sér jafnvel af því hvar maður leggur frá sér sundfötin sín eða handklæðið.

Ég ætla ekki að verða Sýklakona þegar ég verð stór - en ég óttast að maður fái engu um það ráðið ef sápumanían nær tökum á manni!

Í þá gömlu góðu daga...

2006-02-09T21:48:00.000Z

...þegar Ómar hafði hár!

Ég man ekki eftir því þegar Ómar Ragnarsson var með hár, enda held ég að hann hafi byrjað að missa það löngu áðuren ég fæddist. En ég man eftir gömlum umbúðum - altsvo - matarumbúðum.

Ástæðan fyrir því að ég ætla mér að blogga um matarumbúðir er einfaldlega sú að Smjörvinn er kominn í nýjar umbúðir. Eins og allir í Óðni vita, eftir "Sólblóma" ævintýrið á Bikar í sumar, þá er Smjörvinn "the Viðbit" á mínu heimili.
Í raun og veru er ekki svo mikil breyting á umbúðunum - letrinu hefur einungis verið breytt - annars er þetta ennþá guli og græni Smjörvinn.
(Þekkir einhver einhvern sem notar rauða og gula Smjörvann?)

Ég er strax farin að sakna gömlu Smjörvaumbúðanna - en þó ekki jafn mikið og ég sakna gömlu Rjómaostsumbúðannna, þá á ég við þessa himinbláu með kýrinni.

Muniði ekki eftir þeim - ohh... Þær gerðu Rjómaostinn mun girnilegri til átu, helduren hrár humar, tómatar, papríkur (o.s.frv) sem eru utaná nýju dökkbláu dósinni.

Eða Svala fernanna með "bárunum" - svona eins og Svala-rusladallarnir eru í Sundlaugagarðinum og ófáum vegasjoppum á hringveginum. Það er annars ótrúlegt hvað ég fyrirlít nýju Svala umbúðirnar - Ávextir með útlimi eru ekki heillandi!

Og talandi um óheillandi umbúðir!

Hverjum datt í hug að "poppa upp" mjólk? Mjólk er klassísk - eitthvað sem maðurinn hefur þekkt frá örófi alda, eitthvað sem breytist ekki og er okkur lífsnauðsynlegt! Þar af leiðandi á mjólk ekki að vera tískufyrirbrygði í nútímalegum umbúðum. Mér persónulega finnst að mjólkin eigi að vera í glerflöskum - flöskur eru klassískar og umhverfisvænar!
Það er líka ægilegt hversu mörg börn eru farin að tala um "Muu" en ekki "mjólk"... (Dæmi: "Mamma er til gul muu?")

Þegar Prins Póló skipti um umbúðir hætti ég að borða þetta líka dýrindis súkkulaði. Það sama er að segja um Smurost með Blönduðu Grænmeti og Frískamínið í nýju flöskunum!
Það er greinilegt að mér líka ekki breytingar - umbúðalega séð!

Annars eru aðrar breytingar af hinu góða, að ég held! Jafnvel breytingin á KEA merkinu - en sú breyting í sjálfu sér er efni í nýtt blogg!

Ég veit ekki hvað kom yfir mig núna - hvort það sé nostalgían við tilhugsunina um gamla tíma með gömlum umbúðum eða einhver óútskýrð C-vítamínþörf:

Mig langar svo í appelsínugult SanaSol!

Ábending...

2006-02-06T20:30:00.000Z

...til ykkar allra!

Hér til hliðar er kominn "linkur" á auka upplýsingar um sjálfa mig!

Stuff for your blog!

Þökk sé bloggleikjum!

Endilega lesið bloggið hér að neðan - ef þið eruð ekki enn búin að því þ.e.a.s.!

Það er greinilegt...

2006-02-05T00:46:00.000Z

...að ég er byrjuð að æfa sund aftur!

Það er laugardagskvöld og er ekki á rúntinum, né heldur í Sjallanum, á Kaffihúsi eða í bíói. Ég er ekki máluð, með greitt hárið, í gellufötum eða "til höfð" á nokkurn hátt. Nei, gott fólk: Ég er HEIMA - og þá á ég við HEIMA á Akureyri, HEIMA hjá mömmu og pabba, HEIMA hjá Týru, HEIMA hjá gráa hornsófanum, HEIMA hjá rúminu mínu, HEIMA hjá Stöð 2, Stöð 2+ og Stöð 2 Bíó, HEIMA hjá þráðlausu internet-tengingunni, HEIMA hjá mér...

Sá sem sagði fyrst "HEIMA er bezt!" , hitti svo sannarlega naglann á höfuðið.

Ég er enganvegin að kvarta yfir aðstöðu minni á höfuðborgarsvæðinu, enda er hún til fyrirmyndar. Ég bý, fyrir þá sem ekki vita, í Kópavogi hjá afabróður mínum og konunni hans. Þau eru með allar sjónvarpsstöðvar í heimi nema Stöð 2, Stöð 2+ og Stöð 2 bíó. (Þó virðist RÚVið ætíð lenda ofaná í sjónvarpsstöðvavali þeirra hjóna.) Ég hef "mitt egið" herbergi hjá þeim og ég rata í ísskápinn. Eins fæ ég að borða heitan mat á hverju kvöldi, og fæ nægan frið til að sofa allan daginn... ef mig langar. (Svo er ég ENGA STUND að skreppa í heimsókn til stóru systur til að fá knús og kúra - þ.e.a.s. þegar hún er ekki erlendis í skíða- og/eða vinnuferðum)
Það eina sem vantar þarna fyrir sunnan eru mamma, pabbi og Týra.

Einmitt vegna þessarar einu "vöntunar" fékk ég heimþrá í síðustu viku - en guð minn góður hvað þetta er "sundlega séð" þess virði að gera.

Núna er ég búin að synda í rúma viku og er öll að smella saman.
Gaman að segja frá því að upphandleggir mínir, sem og axlir hafa blásið all verulega út á þessum tíma - sem veldur því að bolir með ermum eru farnir að passa illa (aftur) . Vil ég þessvegna þakka versluninni Zöru í Smáralind fyrir að selja afbragðs hlýra/nærboli, en þeir henta herðabreiðum konum einstaklega vel.
Fitupróstenta mín virðist einnig hafa lækkað allnokkuð á þessari viku og sá ég votta fyrir skelfingarglampa í augunum á föður mínum áðan - sem telur að með þessu áframhaldi að ég verið dottin í sundur fyrir páska...

...af þessu má draga þá ályktun að ég hafi ekki byrjað rólega eftir fríið mikla!
(Klöppum fyrir Magga þjálfara að lofa mér ekki að komast upp með að vera með einhvern bölvaðan aumingjaskap - 12 x 400 here I come!)

Glittery texts by bigoo.ws

Ahh... ég er að verða eins og ég á að mér að vera!

Hefur einhver...

2006-01-23T18:58:00.000Z

...heyrt getið um próflokagalsa?

Ég er sumsé búin í prófum, og þvílík dásemd sem það nú er.
Próflokum var fagnað með hefðbundnum hætti, þ.e.a.s. á Brynjuferð með bragðaref og ídýfu (Jafnvel þótt það hafi ekki verið til nein jarðaber!)

Planið fyrir kvöldið er enn óljóst, enda er mánudagskvöld og ekki mikið við að vera þá. Ég er að hlusta á Gettu Betur (að bíða eftir viðureign MA og MK) og þar heyrði ég að dagurinn í dag er víst leiðinlegasti dagur ársins.
(Mánudagurinn næst 24. janúar á dagatalinu, er leiðinlegasti dagur ársins samkvæmt breskum vísindamanni sem hefur verið að stúdera almenn leiðindi mannverunnar í áraraðir.)
Ég var sammála honum alveg fram til klukkan 15:30, þegar GressiPopp reif eðlisfræðiprófið mitt úr höndunum og ég áttaði mig á því að nú væri komið að því sem ég hef verið að bíða eftir í tæpa tvo mánuði - það væri komið að þeirri stundu sem mig hefur dreymt um á hverri nóttu, slefað yfir í dagdraumum mínum í STÆ 503b tímum og huggað mig við í próflestrinum:

Ég er að byrja að æfa aftur!

Nú hef ég ákveðið að stíga feilspor í menningarblogginu - algerlega viljandi. Ég sé ekki fram á það að ég muni mikið brúka internetið næstu daga, vegna búferlaflutninga, og hef því ákveðið að "fylgja straumnum" og henda spurningarflæðinu á síðuna mína - svo þið getið svarað, enda hef ég svarað þessu á ófáum síðum:

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifinn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tíman langað til að segja mér eitthvað en ekki getað það?
(Ég hef ákveðið að fella út 15. lið, þar sem mér finnst hann algerlega tilgangslaus!)

Ekki gleyma mér á meðan ég er í burtu...

Það kemur alltof oft fyrir...

2006-01-14T20:02:00.001Z

...að ég fæ ofnæmiskast.

Ég vissi ekki að ég væri með ofnæmi fyrir svona mörgum hlutum. Ég man þegar ég var lítil og einungis með ofnæmi fyrir pensillíni. Ekki að ég hafi oft þurft á pensillíni að halda, en þegar það kom fyrir þýddi það endalausar uppflettingar lækna í bókum til að finna lyf sem virkar á sama hátt, án þess þó að innihalda pensilín.

Nú, eftir að ég varð eldri, þroskaðari, gáfaðari og fallegri manneskja hafa ýmis ofnæmi farið að láta á sér kræla. Ég var að vísu afskaplega ung þegar ég uppgövtaði að ég væri með hryllilegt ofnæmi fyrir Davíð Oddsyni (- en það lýsti sér í ægilegum reiðiköstum í hvert skipti sem ég sjá hann á sjónvarpsskjánum eða í dagblöðunum.)

Nú nýlega uppgövtaði ég að ég væri með bráðaofnæmi fyrir stærðfræðitákninu "e". Ofan á það, ákváðu læknarnir að greina mig með hornafallaóþol - sem lýsir sér í villum á stærðfræðiprófum og verkefnum sem innihalda félagana Sínus, Cósínus, Tangens og Cotangens, hvort sem þeir standa á eðlilegan hátt eða umbreyti sér í Arcsin, Arccos, Arctan og Arccot sem eru ofurhetjudulnefni þeirra.
(Eins og þegar Clark Kent kallar sig Súpermann - Ég nýti nú tækifærið til þess að hvetja fólk til að horfa á Smallville þættina á sjónvarpsstöðinni Sirkus þar sem hinn bráðmyndarlegi Tom Welling (Stelpur: Hér kemur smá pása til að þurrka slefið framanúr þér vegna myndarinnar af fyrrnefndum Tom Welling!) fer með hlutverk Súpermanns).´

Læknarnir segjast ekkert geta gert í þessum stærðfræðitengdu ofnæmum, annað en að sitja allir saman með krosslagða fingur milli klukkan 13 og 14 á morgun (mánudaginn 16. janúar) og frá 13 til 15 á hinn (sem væntanlega yrði þá þriðjudagurinn 17. janúar) þegar ég tek prófin í STÆ 503. Ég legg til að þú, sem vinur minn, gerir slíkt hið sama - og byðjir hvern þann sem þú trúir á - að ég nái áfanganum... svo væri náttúrulega spurning að taka bara ofnæmistöflu fyrir prófin, svona til að koma í veg fyrir kast.

Annars virðast ofnæmislyf ekkert gagn gera þegar ég fæ kast vegna Péturs Blöndal, Halldórs Blöndal, Halldórs Ásgrímssonar, Geirs Hilmars Haarde, Valgerðar Sverrisdóttur... ég held ég sé klárlega og greinilega í Stjórnarandstöðu.
En þar sem ég er upptekin við að heilda, ætla ég að hugga mig við það að Davíð Oddson sé hættur í pólitík (og Sirkus skuli sýna Smallville á fimmtudögum)!

Þetta er fyrir...

2006-01-10T11:12:00.000Z

.c...alla MA-inga sem eru í prófum og pínu fyrir stóru systur líka! Öðrum er frjálst að skoða líka...en geri það þó á egin ábyrgð...

Gjörið svo vel að ýta hér!

Dásamlegt, finnst ykkur ekki?

(Er kurteislega og óbeint að byðja ykkur um segja skoðun ykkar eða "að kommenta"...svo ég sjái kannski hverjir heimsækja síðuna mína on a regular basis.)

Eftir 18 daga...

2006-01-06T16:48:00.000Z

...byrja ég að æfa aftur af fullum krafti!

Þið getið ekki ímyndað ykkur hversu mikil pína þessi tími er búinn að vera, svona að mestu leiti.
Ég er búin að afreka margt það sem af er fríinu:
Fara á árshátíðina í MA, fara í Sjallann, gera jólapóstkassa 3.T, rúnta, vakna mörgum sinnum kl. 05:34 til að fara í ræktina, ná STÆ 503 prófi, fara í Sjallann, fara í ræktina, falla á STÆ 503 prófi, fara á gönguskíði í Kjarnaskógi, sakna Jóhanns og hinna krakkana í afrekshóp Óðins, halda fámennt en góðmennt "Grænmeti og ídýfu fyrir Sálina"-partý, fara seint að sofa, bakka trukknum (Nissan Patrol) hans pabba inn í stæði á Glerártorgi - án þess að rekast utaní nokkuð, halda jól, blogga, borða hangikjöt hjá ÖmmuDeddu uppi í Mývatnssveit, fara til Húsavíkur, horfa á Sjónvarp, fara í Sjallann, borða fullt af NóaKonfekti, plata mömmu til að sauma bol, fara í Sjallann... og margt fleira. ("Fleira" er ekki skrifað með "y")
Ég býst ekki við því að gera mikið meira það sem eftir er af fríinu þar sem að prófin eru að bresta á - var ég reyndar að klára stúdentsprófið mitt í ENSku núna rétt áðan. Ég held ég geti sagt það af fyllsta öryggi að ég sé orðin stúdent í því fagi (Klappa fyrir mér!)

Annars er þetta frí búið að vera ágætt - ég er búin að kynnast MA vinum mínum alveg miklu betur. Það sem ég á eftir að sakna þeirra þegar ég er fyrir sunnan - eeen ég verð ekki í langan tíma í burtu frá þeim í einu!

Ég hlakka svo til, þetta verður alveg frábært - ekki prófin, heldur sundið -

I'll be better than ever, I just feel it!

(Ég er hrædd um að ég hafi farið nakin á Árshátíðina, með enga efrivör!)

Ég hætti við...

2006-01-01T16:26:00.000Z

...að skrifa Sigrúnarannálinn fyrir árið 2005 vegna ægilega lélegs áramótaskaups Ríkisútvarpsins. Jeminn hvað ég var fegin að hafa horft á Strákan á Stöð 2 fyrr um kvöldið - annars hefði ég ábyggilega ekkert hlegið á gamlárskvöld!

Ég byrjaði á því að skrifa pistil um allt árið 2005, mánuð fyrir mánuð - en áttaði mig svo á því að ég hef stálmynni þar sem ég tók að skrifa hvað gerðist í ár dag fyrir dag...klukkutíma fyrir klukkutíma.
Þessvegna hætti ég að skrifa og ákvað að punkta niður hvað var markverðast í hverjum mánuði fyrir sig:

Janúar

Lenti í árekstri (var ekki að keyra sjálf) og ákvað þessvegna að vera bílhrædd þegar (næstum) allir aðrir en ég eru að keyra.
Féll á STÆ 303 prófi með 4, þó svo ég hefði verið með meðaleinkun uppá 9,2 í heimadæmum og prófum yfir alla önnina. Ég fékk þá einkunn (9,2) ekki metna neinstaðar.
Nýja sundhöllin í Laugardalnum var vígð og ég synti þar í lok mánaðarins. Það mætti segja að ég hafi skitið vel uppá bak á því móti - en það var ekki í fyrsta (né síðasta skiptið).

Febrúar

Ég átti eitt gott sundmót (Gullmót KR). Synti nær mínum bestu tímum en ég hafði gert í laaaangan tíma og farið var að undirbúa "Comeback" frá mér á ÍM-50.

Mars

Undirbúningur fyrir ÍM-50 stjórnaði fyrrihluta mánaðarins.
ÍM-50 kom með engu "Comeback-i" frá mér. Mér tókst að skíta alveg upp á hnakka í þetta skiptið, og náði ég ekki þessari einnaroghálfrar sekúndu bætingu sem ég þurfti til að komast með í landsliðsferð yfir páskana.
Fékk viku frí frá sundi yfir páskana og skellti mér á snjóbretti niður Kaldbak í 16°C hita.
Hringdi í Magnús Má hjá Breiðablik og spurði hvort ég mætti koma að æfa hjá honum eftir fríið.

Apríl

Allri sundtækni breytt á tveimur vikum sem ég bjó í Kópavogi hjá Jónasi afabróður og Sivu konunni hans. Mikil breyting á geðslagi fylgdi með og ég fann hvernig ég varð umburðarlyndari og rólegri.
Mátti ekki synda lengra en 3,5 km á æfingum til að halda tækni.
Fór í snilldarinnar æfingabúðir með Breiðablik helgina í kringum sumardaginn fyrsta - sýndi fram á að ég get sofið hvar sem er, hvenar sem er og hvernig sem er.

Maí

Það var mikið að gera í maí - en ég man samt ekkert hvað var að gera, það var bara mikið að gera.

Júní

Fór með mömmu og afrekshópnum úr Óðni (og fleirum) til Canet en Rousillion í Frakklandi:
- Hitti sundgarpinn rússneska Alexander Popov og fékk taugaáfall í kjölfarið.
- Keppti á Mare Nostrum í Canet og tók lengsta sporð sem ég hef nokkurntíman tekið á móti.
- Varð alveg afskaplega brún á litinn og ljóshærð.
- Varð 18 ára og eyddi afmælisdeginum að leika mér í sundlaugargarði.
- Fannst ég vera ægilega gömul.
- Fékk óvænta brjóstastækkun í vinstra brjóstið þegar ég tognaði í vinstri brjóstvöðvanum við það að synda baksunds hendur með spaða.
- Skemmti mér ágætlega vel, en þó ekki jafn vel og þegar Sundfélagið fór til Færeyja árið 1999.
Var í fyrsta skiptið of gömul til að keppa á AMÍ, sem var einmitt haldið hér á Akureyri (*Klapp fyrir mömmu*). Hellingur af vinum komu í bæinn og mikið gaman.

Júlí

Keppti á Bikarkeppninni í 1sta skiptið í 1stu deild. Eitthvað vantaði uppá stemminguna.
Byrjaði að vinna í Sundlaug Akureyrar.
Var rosalega mikið í vinnunni, var á vakt yfir verslunarmannahelgina.
Verslunarmannahelgin var erfið og afdrifarík þegar kærastinn (til tæplega þriggja ára) ákvað allt í einu að hann vildi mig ekki lengur.

Ágúst

Mánuður ringulreiðar og gráturst.
Uppgövtaði hverjir eru mínir raunverulegu vinir.
Sundtímabilið byrjaði og ég fór suður til Magga Más að synda aðeins með Breiðablik.
Byrjaði að synda hjá Bíbí - sem hjálpaði mér mikið í öllu mínu veseni eftir verslunarmannahelgi.

September

Komst að því að fyrrverandi kærastinn hafði haldið framhjá mér um verslunarmannahelgi.
Byrjaði í skólanum eftir sumarfrí (Go 3.T).
Byrjaði aftur og enn á ný að hata stærðfræði.
Tók að fara út að skemmta mér með vinum mínum um helgar - first time for everything, nema alkóhól þar sem ég keyri heim á hverju (djamm) kvöldi. Uppgövtaði sumsé líf eftir sambandsslit.
Ógeðslega gaman að æfa sund hérna heima á Akureyrinni - þvílík stemming.

Október

Bara mánuður með skóla og falli í STÆ 503 prófi í annarihverri viku.
Keppti á sundmóti - gekk bara betur en lengi - og það var bara ágætlega gaman.
SUND OG SUND OG SUND með einstaka Sjallakvöld inn á milli.
Ældi edrú í Sjallanum.
Nýji rússneski þjálfarinn, Vlad, kom til landsins og vesen milli mín og stjórnar Sundfélagsins.

Nóvember

Sund, hélt áfram að synda hjá Bíbí
ÍM-25 gekk alveg frekar vel. Miklu betur en nokkuð mót í laaaaaangan tíma.
Ég fór í frí frá sundinu, nauðug - ekki sjálfviljug.
Ég uppgövtaði hversu frábært það er að vera í Menntaskólanum á Akureyri.
Stærðfræði hélt áfram að sökka.

Desember

Ennþá í fríi og líkaði það barasta ekki rosalega vel.
Skólinn var alltof lengi þennan mánuðinn - alltof stutt jólafrí.
Ágætis jól og fékk:
- Gönguskíði
- Buxur
- "Brosað í gegnum tárin" bókina
- "Djöflatertan" bókina
- Geisladisk
- Evrópuferð
- O.s.frv.
Mánuðurinn endaði hryllilega - með áðurnefndu hörmulegu Áramótaskaupi!

Ég held að ég hafi byrjað nýja árið afar vel - dansaði í alla nótt og alveg fram á morgun.

Í dag rankaði ég við mér...

2005-12-23T23:20:00.000Z

...í baðkarinu með furugreinar og sög!

Já, það er alveg ótrúlegt hvar maður finnur sig í jólaundirbúiningnum... ég var nú ekki að baða mig í sög og greinum, heldur var ég víst að föndra einhverskonar borðskreytingu - ég er ekki frá því að hún sé bara "Brilljant sniðug" (eins og ValaMatt myndi orða það), og jaðrar við að hún sé barasta kvenleg. Jahhssko, ég er öll að koma til.

Þar sem það er nú Þolláksmessa (segi ekki Þorláksmessa...) þá er ég búin að kaupa allar jólagjafirnar og var ekki í neinu stressi með neitt. Ég er búin að taka til í herberginu mínu, sem var greinilega aðeins meira en að segja það þar sem mér tókst að stórslasa mig!
Ég mölbraut nöglina á baugfingri hægri handar, braut hana alveg niður í kviku og nú er mér illt...
Ég er búin að pakka inn öllum jólagjöfum og hommaföndra kort, ég er löngu búin að skrifa jólabréf fjölskyldunnar - setja það í umslög og skrifa utaná, ég er búin að selja lakkrísinn (þótt hann tengist ekkert jólunum)... ég er barasta búin að gera allt...

Nema komast í jólaskap...

Sumt...

2005-12-11T19:44:00.000Z

...skil ég ekki!

Þessa dagana skil ég aðallega ekki sjálfa mig og er því mikið búin að vera að velta því fyrir mér að fara og finna "sjálfið mitt", en ég veit bara ekkert hvar ég ætti að leita að því svo ég er ennþá hér.

Hugsanlegt er að "sjálfið mitt" sé einhversstaðar á bólakafi ofaní einhverri sundlaug eða þá að ég hafi gleymt því í M1 einhvern daginn...

Ég reyndi að spurja mömmu hvort hún vissi hvar "sjálfið mitt" væri. Hún spurði mig bara hvar ég var með það seinast. (Það er hennar svar við öllu sem ég hef týnt og er að spurja hana hvort hún viti um: "Æ, ég veit það ekki Sigrún mín. Hvar varstu með það seinast?")

En hvar var ég með "sjálfið mitt" seinast? (Hef ég kannski aldrei átt neitt sjálf?)

Fjandans sjálf...nennir einhver að finna það fyrir mig?
Það gæti hugsanlega verið í sjallanum, leitum að því á laugardaginn afþví að...´

...þá er sálarballið ógurlega...

...sem á hefur verið stefnt í ÓÓ, svo langan tíma. Þvílík spenna sem hefur heltekið mig þessa stundina - jólin eru ekkert miðað við Sálina í Sjallanum!

Kannski ég verði bara kvenleg núna í þessari viku og ákveði fyrirfam í hvaða fötum ég ætla að fara á ballið. (NEI, ekki séns Sigrún)

Ég reyndi annars að fara kvenleg (eða stelpuleg) í skólann á föstudaginn (bleikur bolur, slegið hár og hárspöng). Ég fékk eftirfarandi athugasemdir:

Hvað kom fyrir þig?
Hvað ertu að reyna Sigrún?
Þú lítur út eins og stelpa!!! (Kom frá þeim manneskjum sem halda í alvörunni að ég sé strákur.)
Ég ætlaði ekki að þekkja þig þegar þú labbaðir inn í stofuna!

Ég fékk bara eina almennilega athugasemd um að ég væri sæt svona...

ohh!

Ég er ekki frá því...

2005-12-08T17:15:00.000Z

...að jólasveinarnir séu þrettán talsins!

Ég er mikið búin að vera að hugsa nú undanfarna daga, um þetta með íslensku jólasveinana - bræðurna (syni Grílu og Leppalúða) þrettán, sem einn og einn týnast til byggða að gefa góðu börnunum í skóna, man einhver eftir þeim?

Þegar ég var lítil var ég iðulega spurð að því hvort ég fengi í skóinn, eða hvort ég tryði á jólasveinana...
Nú heyri ég hinsvegar alltaf útundan mér setninguna "Trúirðu á jólasveininn?"

Ég lærði það, þegar ég byrjaði að læra málfræði í grunnskóla að greinirinn hinn væri karlkynsgreinir í eintölu. Ef jólasveinarnir eru þrettán, eins og mig minnir, er þá ekki skrítið að tala um þá sem einn mann...

Er þetta partur af Ameríkuvæðingu landsins? (Fjandans Coke-jólasveinn!)

Mæli með jólalagi Baggalúts, Malti&Appelsíni, Jólasmákökum með appelsínu og kókos (frá Kexsmiðjunni)...mmm

Það verður seint sagt um mig...

2005-12-05T20:18:00.000Z

...að ég sé kvenleg!

Ég veit ekki alveg hvernig ég fór að þessu, en núna á fimmtudaginn var Árshátíð Menntaskólans á Akureyri haldin hátíðleg...

Af því tilefni sat ég hálfan daginn með rúllur í hárinu niðri á Arte klippistofu hjá Elínu Maríu... mín kvenlega hlið vaknaði ekkert við það...

Hún vaknaði heldur ekkert við það að ég málaði andlit á mig og ÞóruKristínu. Hún vaknaði ekki þótt ég smyrði mig með sólarglimmeri, færi í kjól, setti á mig perlur og ilmvat og fór í ofurháhælaða skó...
Ég varð bara ekkert kvenlegri... það náðust frábærar brussu-hóru-nektar myndir af mér um kvöldið... þó ekki á mína myndavél svo ég gæti eytt þeim - takk ástkæru bekkjarsystkini... (Takk þó sérstaklega Sara - stal mynd af mér af myndasíðunni þinni)

Annars skemmti ég mér afskaplega vel, þrátt fyrir ókvenlegheitin mín.

Ég er annars komin með nýtt hobbí, vetraríþrottir. Kristín Sólnes dró mig á gömlu góðu svigskíðin á laugardaginn og svo skelltum við okkur á gönguskíði núna áðan... (Takk fyrir lánið Brynjar...djö...snilld!!!)´

Ég er farin að finna mínar kvenlegu hliðar !

Fíkniefnalögreglan...

2005-11-28T21:39:00.000Z

...henti mér út af Cafe Amour á föstudagskvöldið!

Ótrúlegt hvað er alltaf verið að bendla mig við dóp þessa dagana. Fíknó var að vísu ekkert að ásaka mig um að vera dópisti, þeim fannst bara ekkert sniðugt að ég væri inni á skemmtistað með 20 ára aldurstakmark skilríkjalaus...

Nú líður óðum að árshátið og mikill eftirvænting hefur gripið um sig hjá mér, sem og öðrum. Þetta er önnur árshátíðin mín, og er ég öllu betur undirbúin undir herlegheitin þetta árið heldur en í fyrra - ekkert svona "last minute" reddingar, þó svo það hafi nú heppnast ágætlega...

Núna er ég löngu búin að finna kjólinn og er orðin alger snillingur í því að ganga á háum hælum... þakka beinum útsendingum á "Ungfrúrkeppnunum" og þættinum um Eskimómódelkeppnina á Sirkus það afrek... (NEI!!!)

Allavega, þá datt mér í hug að henda hérna inn pistli sem ég skrifaði fyrir árshátíðina í 1. bekk, þegar ég fór ekki:

Árshátíðar MADNESS!!!
27. nóvember 2003 - 14:33

Já sælir allir og sælar allar!

Nú líður að fyrsta des og þá er siður í MA að hafa árshátíð, að þessu sinni er árshátíðin þó þann 28.nóv enn það eru einmitt æfingabúðir þann daginn daginn!

þýðir einsog ég hef áður sagt að ég kemst ekki á þessa margrómuðu árshátíð sem er by the way ein stærsta áfengislausa skemmtun á landinu...

ég er ekki búin að heyra neitt í dag nema orðin árshátíð, kjóll, skór, málning, hár... svo hef ég við og við heyrt orðið HÖZZL!

Stærsta hözzlkvöld MA-inga er nefnilega annaðkvöld.. og ó jesús minn...það eru allar stelpurnar ný búnar í plokkunn og litun.. nema ég! (Ó SURPRIZE, SURPRIZE) ...margar búnar að fara í klippingu og litun... (AGAIN, NOT ME!) og eihverjar þeirra búnar að fara í ljós.. annas virðist það vera eitthvað hallærislegt hérna í MA að fara í ljós (OG VITI MENN..ÉG ER EINMITT BÚIN AÐ VERA AÐ FARA Í LJÓS!!!) í stuttu máli sagt þá eru þær allar (ok..vá viðurkenni að þær eru ekki alveg allar) orðnar rosa sætar... (OG EINUSINNI ENN, NOT ME!!!)

og ég er að fyllast af minnimáttarkennd dauðans!

Strákarnir hinsvegar virðast ekkert mikið vera að pæla í að það sé árshátíð á morgun..og þó.. heyrist í einum og einum HÖZZL...og svo já ma'r 'auddað' ötlar ma'r a' HÖZZLA...eða AUUUUU' MA'R..sástu gelluna.. enn það eru einungis þeesi fáu FM-hnakkar sem eru enn á lífi hérna..

FM-hnakkismi er nánast útdauð tegund (THANK GOD!) hér í MA.. enn já einsog ég segi.. þá er hægt að telja eikura 20 drengi á því þroskastigi!

enn úr augum allra hinna drengjanna má sjá að stressið ólgar innra með þeim.. þó þeir reyni að "akta kúl"...

ómæ.. er að brjótast fram bóla á enninu á þessumm. ææææ.. það verður erfitt fyrir hann að hözzla...

Já jésús minn.. ég er svo yfir þetta hafin..

iss mig langar ekkert á þessa heimskulegu árshátíð hvort eð er!! :(

ég er bitur... mig langar að vera með..

Dansa við hljóðfæraslátt Papanna eftir góðan kvöldverð í sparifötunum..

æææ...skemmta sér... enn ég fer í staðinn að synda og synda og synda í heimsku brennheitu sundhöllinni...:(

Sigrún..

Hér er svo mynd af mér með Röggunni að "knúsa mjótt" á EM-25 2003 í Dublin, en æfingabúðirnar sem ég minnist á í textanum voru einmitt fyrir það mót:

Oh my, how much prettier we are today, huh Ragz?

Mér er illa við...

2005-11-21T18:59:00.000Z

...að pissa í dollu með einhverja konu horfandi á mig á meðan!

Já gott fólk og góðir landsmenn, ég var tekin í lyfjapróf í gær, en það þýðir aðeins eitt:

Ég er jafn hörð og Gitta!

Gott að fá staðfestingu á því frá lyfjanefnd Íþrotta- og Ólympíusambands Íslands, eða ÍSÍ eins og það er kallað í daglegu tali. Já, talandi um ÍSÍ, þá hitti ég einmitt "ædolið" mitt í gær, forseta ÍSÍ, Ellert B. Schram - ég ætla sumsé að verða Ellert þegar ég verð stór and no one can stop me...
...nema hugsanlega áðurnefnd lyfjanefnd (haha, góð setning) ÍSÍ, því eitthvað grunar mig að erfitt gæti verið að verða forseti ÍSÍ hafi maður eitt sinn fallið á lyfjaprófi...

Ég var svo "paranojjd" í gær í lyfjaprófinu (sem tók mig btw. einn og hálfan klukkutíma þar sem að ég þurfti bara ekkert að pissa - og þegar ég loksins gat pissað þá pissaði ég aðeins 74,99 ml en lágmarkið er 75 ml... þau létu þetta þó duga) að ég taldi ekki aðeins upp þau lyf sem ég hafði tekið seinustu tíu daga, heldur langaði mig einnig til að telja upp allt það sem ég hafði borðað seinustu tíu daga... (Haldiði nokkuð að það sé eitthvað ólöglegt í Aunt Mables Muffins?)

Annars þá gekk mér alveg ágætlega "sossem" um helgina (silfur og brons og úrslit í öllu MEIRAÐSEGJA Í 100 BRINGU), allavega betur en í langan tíma og margir sögðu mér að ég væri "miklu léttari í vatninu" en ég hef verið í langan tíma - og það er bara flott og gott hrós... eeen mér hefur verið ráðlagt að taka mér frí í smá tíma núna frá sundinu, og ætla að gera það (Þóra Kristín er þessvegna afar glöð þessa dagana)
... so beware, i will have a whole lot more of energy to spend elsware..! (RÆKTIN HERE I COME!)

Ég á sumsé að átta mig á því að það eru til aðrir hlutir en sund og bið um hjálp hvað það varðar frá vinum og kunningjum!

Ég legg til...

2005-11-15T16:24:00.000Z

... að enginn fari á Sálarball um helgina!

Ég skil ekki hverjum datt í hug að hafa Sálina í Sjallanum einhverja helgi sem ég er ekki í bænum - það bara meikar gjörsamlega ekkert sens (Góð íslenska Sigrún!) að vera með Sálarball þegar Sálarfan-Akureyrar er ekki!

...sú hugmynd að sleppa ÍM-25 fyrir Sálarball er ekki vinsæl meðal þess sundfólks sem ég hef rætt við... Hmm... Held nú líka að Bíbí yrði ekkert sátt ef ég myndi hringja og segja :"Hurðu, ég er bara hætt við að fara - ætla að vera heima og djamma..!"

Þá er það nú spurningin...
Telst það vera djamm að fara út (á lífið) edrú?

Það er þá bara ákveðið... enginn í Sjallann um helgina... er það nokkuð?

Kitl...

2005-11-10T20:51:00.000Z

...það þarf nú bara að "kinda" mig til að min kitli... en TAKK LINDA!

7 hlutir sem ég ætla að gera áðuren ég dey:

Eignast sauðfé.
Læra á þvottavél.
Læra að elda.
Læra bringusund.
Kenna Söndru að borða gúrku.
Taka til í herberginu mínu.
Fara á ákveðna leika.

7 hlutir sem ég get gert:

Ég get...

...notað fjarstýringu.
...talað í síma.
...horft á 'Allo 'Allo að eilífu.
...synt öll sund nema bringusund.
...næstumþví spilað "Stál og hnífur" á gítar.
...hoppað á hinum fætinum.
...burstað tennurnar í sturtu.

7 hlutir sem ég get ekki gert:

Ég get ekki...

...skeint mér með vinstri.
...flogið á regnhlíf í anda Ömmu músar eða Mary Poppins.
...farið á fætur um leið og klukkan hringir.
...synt bringusund.
...haldið lengi í mér.
...BORÐAÐ PIZZU MEÐ ANANAS! (Ullabjakk!)
...opnað gluggapóst.

7 hlutir sem heilla mig við hitt kynið:

Húmor.
Hlátur.
Handastærð (Þurfa að vera stærri en mínar!)
Bakið. (Mmm...)
Röddin. (Enga "helíumgaura" takk!)
Kálfar. (Þurfa að vera stærri en mínir!)
Skóstærð!!!

7 orð sem ég segi oftast:

TÝRA!!!
Homm...hommhommhomm...
Hommi!
OoooOOoohHHhh...
Skilru...
Æææji!

(Do you not see? If we wish to kill him with the pill from the till, we need not light the candle with the handle, on the gatau from the chatau!)

Linda sökkar...
ég ötla að kitla...Gittu, Dóra, Andreu, Kollu frænku, Röggu... Söru Ben (power of the Ben) og að lokum... Imbu!

Ég er með ofnæmi...

2005-11-09T11:54:00.000Z

...fyrir eigin tilfinningarsemi!

Hér eftir ætla ég alltaf að vera hörð af mér, og aldrei grenja (a.m.k. ekki í innanum annað fólk)...og alls ekki yfir TheOprahShow/Titanic/Notebook/Romeo+Juliet/o.s.frv..!

ÉG ER ALVÖRU KARLMAÐUR!

Ómægoddskilrru...

2005-11-06T22:58:00.000Z

...þúst váá.. var fyrir sunnan sko um helgin og bra gjeggjað... fór sko með röggunni minni (lovvjasóó:*) í bíó á föstudagskvöldið... svenni kærastinn hennar var með og allt gjeggjað sæta körfuboltaliðið hans... ómægod... skilrru...
var gjegght mikið að versla og eikkað...

...ohh, ég get þetta ekki! Því miður, ég reyndi - bölvað vesen!

Góður vinur minn tjáði mér að ég þyfti að fara almennilega á gjelguna til að takast ákveðnir hlutir... Held ég ætli að fara á gelluna í staðinn (Ohh, ekki góð setning Sigrún - býður upp á töluvert góðan misskilning!)... Já, ég held að gellan sé málið. En ef ég fer á gelluna þá verð ég að gera eftirfarandi á hverjum degi

Mála mig - (allavega setja á mig maskara).
Greiða mér.
Vera í gellu-galla-buxum.
Ganga um í brjóstarhaldara - ekki bara íþrottatopp.
Ganga um í nærbuxum í stíl við brjóstahaldarann.
Vera með vel plokkaðar og litaðar augabrúnir.

Með öðrum orðum... vera ekki ég!
Núna er ég með bakþanka...held ég ætli ekki að vera gella heldur - hvað með að vera bara "hözzl-sund-nörd-með-náttúrufræði-ívafi"?

Sveitastelpan kveður...Do you not see? If we wish to kill him with the pill from the till, we need not light the candle with the handle on the gatau from the catau!

Ég veit ekki um ykkur, stelpur...

2005-11-03T16:33:00.000Z

...en hafiði einhverntíman lent í því að ykkur "langar geðveikt í" einhvern ákveðinn strák (voruð kannski eitthvað að dúllast með honum fyrir doldlu), en gaurinn vill ekkert með ykkur hafa...
Þó svo ykkur langi geðveikt í hann þá forðist þið hann alveg eins og heitan eldinn... farið t.a.m. af rúntinum ef þið mætið honum einusinni, sleppið því að fara í búð ef þið sjáið bílinn hans þar fyrir utan, gangið með veggjum ef þið sjáið vini hans... o.s.frv...
Hvernig á maður þá nokkurntíman að fá hann?

Virkilegar pælingar sem spruttu upp þegar ég var að hlusta á rússneska þjóðlagatónlist í Kvosinni áðan...

P.S.
Vetrarfrí er algerlega af hinu góða - væri þó hugsanlega betra ef þetta fjandans kvef væri ekki að hrjá mig...

Arnas Arneus...

2005-10-27T08:36:00.000Z

...er pottþétt týpan sem ég myndi falla fyrir!

Prólaktín framleiðsla...

2005-10-25T08:41:00.000Z

...ég er ekki frá því að móðureðlið sé blossað upp í mér!

Mamma og pabbi komu heim frá Amsterdam á sunnudagskvöldið - og gáfu mér litla gjöf (og nammi)...
Þau gáfu mér eigilega alveg pínulitla gjöf, pínuogguponsulitla og sæta gjöf... svona pínuogguponsulítinn svartan (og ógó sætan) iPod Nano...

Síðan ég fékk iPod-inn minn hef ég vart getað hugsað um annað... (Vissulega kemur tilhugsunin um mín strákamál upp við og við... en nánar út í það síðar)
...ég virðist getað setið endalaust og horft á litla sæta iPod-inn minn - pota við og við í hann, bara svona til að sjá hvort það sé ekki örugglega allt í lagi með hann. Ef ég bregð mér frá í smá stund, kem ég mjög bráðlega hlaupandi aftur til að tjekka á iPodinum - hann er bara svo fullkominn...

Að hugsa sér! Núna er ég byrjuð að ala hann upp - honum virðist líka minn tónlistarsmekkur, endurtekur í sífellu mín uppáhalds lög, bara þegar ég bið hann um það...

...ég fæ alltaf það sem ég vil - á endanum!

Afhverju...

2005-10-23T20:10:00.000Z

...skil ég ekki suma hluti?

Sumt fólk er virkilega ómerkilegt...

2005-10-21T20:56:00.000Z

...já, skoðið aðeins kommentin við seinasta blogg hjá mér...

Þar er einhver "anonymous" sem að er greinilega annaðhvort ekki búin að heyra rétta sögu um mig (og ákveðinn e-n)...eða að lesa bandvitlaust blogg...

Ég er samt alveg viss um að þessi manneskja er ekki að lesa vitlaust blogg þar sem að það er MYND AF MÉR hérna...og ég lofa því að ég sé eina SigrúnBen í 3T (það er auðvitað SaraBen líka...Ben-inu fylgir þessi líka fídómskraftur) og ég er eina manneskjan sem myndi hafa Speedo-Aquablade sundbol sem displaypicture...

ÞANNIG AÐ...ákveðinn e-r er virkilega ómerkilegur að segja fólki að hann hafi aldrei hitt mig - OG ég hef staðfestingu á því að hann sé að segja það !
Til þín ef þú hefur tíma til að fara í tölvuna - eitt orð - TUSSA...
(já elskurnar... karlmenn geta líka verið tussur)

OHHHH.... ég er nú talin algerlega geðbiluð þótt þessi saga sé ekki að ganga um bæinn...

Æjjiii... EKKI TRÚA SLÚÐRI...

Ég er sár...

2005-10-16T14:08:00.000Z

...og get svo svarið það að einhversstaðar er ritað á mig:
"Hæ, ég heiti Sigrún. Ef þú ert strákur sem ég hef áhuga á - then go ahead and break my heart"

Það er snjór...

2005-10-14T15:58:00.000Z

...og samskiptaörðugleikar einkenna líf mitt þessa dagana...

Það virðist vera eitthvað að blogginu mínu (!). Allir tenglarnir eru einhverstaðar neðst og allt í ruggli... æææ....

Ákvað að skella inn þessum líka fínu myndum af mér og Stefaníu síðan útí Frakklandi...

Verð að segja að það er fátt betra en góður innkaupakerru rússíbani... Þetta voru nú líka engar smá innkaupakerrur...

...ég mun ekki falla...og það heldur ekki með stæl...só sorrí!

Ótrúlegt en satt...

2005-10-13T14:54:00.000Z

...rússinn er kominn og við tjáum okkur ekki meira um það mál hér...

Ótrúlegt hvað allt getur gengið á afturfótunum hjá manni - þ.e.a.s. ekkert gengur upp... sama hvað maður reynir... og þá hættir maður bara að reyna og fer að fylgjast með öllu fara til helvítis...

Mér tókst (sjá fyrra blogg) að verða veik á laugardags kvöldið/aðfaranótt sunnudags... og eyddi allri nóttinni því í rúminu hjá mömmu að æla á svona ca. 45mínútna fresti fram til kl að verða 9 á sunnudags morguninn...

Var þá orðin eins og illa slægður fiskur (andlega og líkamlega)

...svo kom mánudagur, með Rússanum...og þriðjudagur...með skóla frá 8-16, og gífurlegri íhugun um að fara í skólaverkfall og smá(miklu) skapvonskukasti útí ÍSL- og EÐL kennara og 60 * 50 stá 55 og samskiptaörðugleikum.... OG hellings snjókomu!!!
þá kom miðvikudagur... með skóla frá 8-15, byrjun á mínu skólaverkfalli - "nennekkaðlærafyrirstærðfræðiprófafþvíþaðerKAleikurog
miglangarmiklumeiraþangað"-syndróminu, auknum samskiptaörðugleikum, fýlu, Bráðavaktinni og kvefi...og aukinni snjókomu!!!

OG Í DAG ER FIMMTUDAGUR...
Þessi dagur hefur byrjað svo mun betur en hinir...
Söngsalur :) ... ahh... ég dýrka söngsal... :)
EKKERT BALANCE OG JÓGA...heldur gamaldags barnaleikir... og fall á stærðfræðiprófi....:) FASTIR LIÐIR EINS OG VENJULEGA

...það eina sem skyggir á daginn í dag er sú staðreind að ónefndur Halldór Áskell vill ekki koma heim frá Kananlandinu...
WOTTS ÖPP VIÞÞ ÐETT!

Edrú og ælandi...

2005-10-10T13:36:00.000Z

Stelpan skráði sig á spjöld sögunnar á laugardagskvöldið, sem eina manneskjan nokkurntíman til að vera EDRÚ OG ÆLANDI í Sjallanum á Akureyri...

Glæsilegt... endaði á því að fara heim og vera þar alla nóttina ælandi - dásamlegt alveghreint (!) Lá síðan heima í gær með hita og er ekki í skólanum í dag, mánudag...

Þetta er ekki kúl...

Ramblan...

2005-10-04T13:22:00.000Z

Þessa stundina langar mig afskaplega mikið til Barcelona, hugsanlega afþví að það er snjór/slydda úti og hugsanlega afþví að ég varð yfirmig hrifin af borginni á þessum hálfa degi sem ég eyddi þar í sumar - af þessu tilefni ákvað ég að skella inn einni mynd sem ég tók á Römblunni:

Þannig var það þá...

Klukk...

2005-10-02T19:57:00.000Z

...alveg hreint bráðskemmtilegur Blogg-leikur sem er í gangi hérna á landinu þessa stundina...
Ég er búin að halda í langan tíma að ég yrði aldrei klukkuð... yrði bara skilin útundan á meðan allir aðrir íslenskir bloggarar væru klukkaðir...en VITI MENN... mín ástkæra LindaRún klukkaði mig núna um daginn - hugsanlega til þess að reyna að stuðla að bloggi...
En þá vandast málið... að finna 5 hluti um mig sem ekki allir vita... ég er svo gagnsæ að það vita allir allt um mig... en... here goes:

Þegar ég er að synda 25 metra spretti á æfingu af fullri alvöru tauta ég alltaf fyrsta erindið af ljóðinu Fjallganga eftir Tómas Guðmundson (Urð og grjót, upp í mót...) á fullu nokkrum sinnum... bara til að koma heilanum í fluggírinn.
Ég kann öll lögin af fyrstu geislaplötu 200.000 Naglbíta utanað og get sungið með.
Ég hef alveg ótrúlega undarlega mikinn áhuga á sauðfé - mér finnast kindur virkilega áhugaverðar og er þessa stundina að stúdera Búfjárfræði í frístundum.
Ég vil helst borða allan mat með smjöri og salti.
Ég vil helst aldrei opna "Gluggapóst"... sama hvort það séu reikningar, bankayfirlit eða launaseðill... bara ég er með svona "Gluggapóstsfóbíu" á háustigi... Mamma endar alltaf á að opna þessi bréf fyrir mig...

Þá hafiði það!

Þá held ég að ég klukki Leif frænda, GunnarSmára, AndreuÖsp, Þorgerði systur og... guð... ég þekki ekki nógu mikið af bloggurum sem ekki hafa nú þegar verið klukkaðir... jú...bíddu...Regínu frænku... hahaha!!!

Mannúðarblaðið Mogginn

2005-09-30T08:36:00.000Z

...mig hefur aldrei langað jafn mikið að vera áskrifandi að Mogganum eins og um seinustu helgi/mánudag/þriðjudag... bara til þess að ég gæti þá hringt og sagt upp áskriftinni...

Hef ákveðið að skrifa ekki um Baugsmálið að svo stöddu, verð að afla mér heimilda fyrst... Ætla samt sem áður ekki að afla þeim í gegnum tölvupóst - þeim er alltaf stolið (!)

Nýtt líf...

2005-09-27T09:18:00.000Z

...Löggu líf, Dala líf, Karlakórinn Hekla og Stella í Orlofi...

Það er allt það besta að frétta af mér núna - og mínu nýja/gamla bloggi...
ég ætla að reyna þetta núna í alvörunni...

Mikið búið að gerast hjá mér undanfarið, miklar og mikilvægar breytingar á öllu, nema skólanum... Hann er alltaf samur við sig og ætlar sér núna, meira en nokkru sinni, að drepa mig með stærðfræðinni (!)
(Ég veit ekki ennþá hvað EíExta er eða hvað log(x) og ln(x) gera...FLOOOTT!)
Hinsvegar hef ég fundið nýtt ástfag...EFNAFRÆÐI... (!)

Hef það í huga að skrifa um Baugsmálið - annaðhvort í dag eða á morgun - þannig bíðið bara (!)

Þartilsíðar